Aldrin Soriano

Bigo man sa pagpapatuloy sa kampanya ng Philippine Women’s Football Team “Filipinas” sa FIFA World Cup 2023, proud na proud pa rin tayong mga Pilipino dahil sila ang kauna-unahang mga myembro na makatuntong sa FIFA World Cup.

Panalo rin sila laban sa kupunan mula sa New Zealand- na kauna-unahang panalo ng ating bansa sa anumang Football World Cup noong Martes July 25, 2023. 

_{Photo from Merryll Serrano’s Instagram account}

Isa sa mga nagbigay ng tagumpay ng ating bansa mula sa Filipinas ay ang 26-anyos na si Meryll Serrano na ipinanganak sa Barangay Amansabina, Mangaldan, Pangasinan bago tuluyang magpunta sa Norway ang kanyang pamilya. 

Kwento ng 48 anyos na ina ni Meryll na si Racquel Rosales na taga Barangay Amansabina, Mangaldan pagdating nila sa Norway sa edad na 4 ay nakitaan na siya ng potensyal sa laro. Dagdag pa ni Racquel, Naging very supportive rin daw ang kanyang stepfather na Norwegian sa kanyang laro.

Kasalukuyang midfielder ng Filipinas si  Serrano. 

Ipinakita ang galing sa football ni Serrano noong Disyembre kung kelan sya nag-debut sa laban ng Filipinas laban sa kupunan ng Papua New Guinea kung saan nakapagbigay siya ng apat na goals para sa ating bansa. 

_{Photo from Merryll Serrano’s Instagram account}

Sa kanyang panayam bago ang kanilang laro, pinuri din ni Norway coach Hege Riise si Serrano kung saan ito ang kanyang naging pahayag, “She’s like a good technical player, [has a] big sense of humor [and] always fun to focus on tactics and football.” 

Meryll Serrano with her two Norwegian siblings. _{Photo courtesy of Rcquel Rosales.}

Dati ring player para sa Norway si Serrano kung saan nagsimula siyang maglaro doon sa edad na 14.  

_{Photo from Merryll Serrano’s Instagram account}

Sa ngayon patuloy nating kino-contact si Serrano para ating makapanayam.

_{Photo used as cover photo here is from Inquirer File PFF PHOTO.}

---