Aldrin Soriano

Ipinasa ni Councilor Aldrin Soriano ang resolusyon ukol sa Supplemental Budget at Supplemental Investment Plan ng Konseho ng Barangay Banaoang sa ginanap na Regular Session ng Sangguniang Bayan noong December 2, 2022. 

Ito ay bilang Chairman ni Councilor Soriano sa Committee on Appropriations and Ways and Means sa Sangguniang Bayan ng Mangaldan. 

Nagmula ito sa hindi nagastos na 5 percent Gender and Development Plan ng nasabing barangay na may kabuuang halaga na Three Hundred Ninety Thousand Two Hundred Sixty Four pesos & twenty five centavos (P390,264.25). 

Sa ginanap na pagdinig ng Committee Hearing ng Sangguniang Bayan na pinangunahan ni Councilor Soriano, sinabi ni Punong Barangay Rommel Visperas na ito ay gagamitin para makabili ng LED streetlights at solar lights na ilalagay sa Purok 2, Purok 5, at Purok 6. Kabilang sa mga purok na ito ay ang highway sa Banaoang na tapat ng mga coffee shops. 

Dagdag pa ni Kapitan Visperas na kung maipapaliwanag nila ang mga madidilim na bahagi ng barangay ay mas makakahikayat pa sila ng iba-ibang negosyo na makakapag-invest sa kanilang barangay at makakapagbigay pa ng trabaho sa kanilang mga kabarangay at kababayan. 

𝘽𝘼𝙎𝘼𝙃𝙄𝙉 𝘼𝙉𝙂 𝙋𝙍𝙊𝙋𝙊𝙎𝙀𝘿 𝙎𝙐𝙋𝙋𝙇𝙀𝙈𝙀𝙉𝙏𝘼𝙇 𝘽𝙐𝘿𝙂𝙀𝙏 𝘼𝙏 𝙎𝙐𝙋𝙋𝙇𝙀𝙈𝙀𝙉𝙏𝘼𝙇 𝙄𝙉𝙑𝙀𝙎𝙏𝙈𝙀𝙉𝙏 𝙋𝙇𝘼𝙉 𝙉𝙂 𝘽𝘼𝙉𝘼𝙊𝘼𝙉𝙂 𝙎𝘼 𝙇𝙄𝙉𝙆 𝙉𝘼 𝙄𝙏𝙊: https://aldrinsoriano.com/budget-supplemental-budget-no-2-at-supplemental-investment-plan-ng-barangay-banaoang/ 

Kasama ni Kap Rommel na dumalo sa nasabing pagdinig sila Kagawad Fredo Basto, Kagawad Jaime Suquila, Kagawad Myrna Nebre, Kagawad Alberto Enriquez Jr., at Barangay Treasurer Leonardo Sendayen. 

Sumailalim din ang nasabing proposed Supplemental Budget at Proposed Supplemental Investment Plan sa pag-aaral at pagsusuri ng Local Finance Committee ng ating Munisipyo at ng Committee on Appropriations and Ways and Means ng Sangguniang Bayan ng Mangaldan. Naipasa ang nasabing ordinansa sa Regular Session ng Sangguniang Bayan noong December 2, 2022.

Nakasaad sa Local Government Code na isa sa mga responsibilidad ng Sangguniang Bayan ang pagsusuri at pag-aapruba ng budget at iba pang appropriations ng mga barangay na sakop ng bayan, maging ang budget at iba pang appropriations ng munisipyo.

---