Aldrin Soriano

Kabaleyang Mangaldeño, bilang Chairman ng Committee on Appropriations at Ways and Means ng 18^th Sangguniang Bayan ng Mangaldan ay ipinasa na po natin ang mga Resolusyon na nag-aapruba sa proposed Annual Budget at proposed Annual Investment Plan ng Konseho ng Barangay Maasin para sa 2023. 

Ito po ay may kabuuang halaga na Five Million Eight Hundred Fifty Nine Thousand Seven Hundred Sixty Two Pesos and 11/100 only (P5,859,762.11). 

Nakapaloob din sa nasabing budget ang mga sumusunod na nakasaad sa Local Government Code:

20% sa kabuuang budget na ito ay nakalaan para sa development projects;
5% sa kabuuang budget na ito ay nakalaan para sa Calamity Fund;
10% sa kabuuang budget na ito ay nakalaan para sa Sangguniang Kabataan;
5% sa kabuuang budget na ito ay nakalaan para sa Gender and Development Program;
1% sa kabuuang budget na ito ay nakalaan para sa Senior Citizen at PWD Program; at
3% sa kabuuang budget na ito ay nakalaan para sa Maintenance and other Operating Expenditure. 

Ayon kay Punong Barangay at Liga ng mga Barangay President Rolly Abalos, ilan sa mga proyekto at programang kanilang ipapatupad ngayong taon ay ang Installation ng mga Barangay Streetlights na nagkakahalaga ng 710,194 pesos, Installation ng CCTV Camera, Monitor, at System na nagkakahalaga naman ng 150,000 pesos, at Clean and Green at Declogging ng mga Drainage Canal na nagkakahalaga naman ng 200,000 pesos. 

𝘽𝘼𝙎𝘼𝙃𝙄𝙉 𝘼𝙉𝙂 𝙋𝙍𝙊𝙋𝙊𝙎𝙀𝘿 𝘼𝙉𝙉𝙐𝘼𝙇 𝘽𝙐𝘿𝙂𝙀𝙏 𝘼𝙏 𝙋𝙍𝙊𝙋𝙊𝙎𝙀𝘿 𝘼𝙄𝙋 𝙉𝙂 𝘽𝙍𝙂𝙔. 𝙈𝘼𝘼𝙎𝙄𝙉 𝙎𝘼 𝙇𝙄𝙉𝙆 𝙉𝘼 𝙄𝙏𝙊: https://aldrinsoriano.com/legislations/ordinances/budget-2023-annual-budget-at-annual-aip-ng-barangay-maasin/ 

Humarap ang ilang miyembro ng konseho ng Barangay Maasin na sila Kagawad Rodrigo Aquino, Kagawad Arturo Cendaña, Kagawad Josue Bautista, Kagawad Roberto Gotos, Barangay Secretary Terry James Follosco, at Barangay Treasurer Roberto Prado. 

Sumailalim din ang nasabing proposed Annual Budget sa pag-aaral at pagsusuri ng Local Finance Committee ng ating Munisipyo at ng Committee on Appropriations and Ways and Means ng Sangguniang Bayan ng Mangaldan. Naipasa ang nasabing ordinansa sa Regular Session ng Sangguniang Bayan noong December 2, 2022.

Nakasaad sa Local Government Code na isa sa mga responsibilidad ng Sangguniang Bayan ang pagsusuri at pag-aapruba ng budget at iba pang appropriations ng mga barangay na sakop ng bayan, maging ang budget at iba pang appropriations ng munisipyo.

---